राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र शाह बालेन आज रुपन्देही आउने कार्यक्रम छ। पार्टीले आयोजना गरेको ‘घण्टी अभिवादन तथा जनसम्पर्क कार्यक्रम’मा सहभागी हुन उनी यहाँ आउने भएका हुन ।
शनिबार उहाँको रुपन्देहीसहित कपिलवस्तु र नवलपरासी जिल्लामा जाने कार्यक्रम रहेको रास्वपा रुपन्देहीले जनाएको छ । बालेन शनिबार दिउँसो १ बजे रुपन्देहीको मर्चवारस्थित मर्चवारी देवी मन्दिर पुग्नुहुनेछ । त्यस्ते १ः२० बजे लुम्बिनीस्थित पर्साचोक, १ः४० बजे कपिलवस्तुको तौलिहवा, २ बजे बहादुरगंज र २ः२० बजे चन्द्रौटा पुग्ने कार्यक्रम छ।
त्यस्तै ३ः१० बजे ४ नम्बर, ३ः५० बजे रुपन्देहीको भैरहवा, ४ः५ बजे धकधई, ४ः२० बजे पश्चिम नवलपरासीको परासी चोक, ४ः३० बजे बेलासपुर, ५ बजे गोपीगञ्ज र ५ः१५ बजे बर्दघाट जाने कार्यक्रम छ ।
रास्वपाका नेताहरूले शाहको रुपन्देहीआगमनले पार्टीलाई थप मजबुत बनाउने अपेक्षा राखेका छन्। शाहको यस भ्रमणले स्थानीयस्तरमा पार्टीको उपस्थिति र जनसम्पर्कलाई अझ प्रभावकारी बनाउने देखिन्छ।
रुपन्देही भ्रमणका क्रममा शाहले पाँचवटै निर्वाचन क्षेत्रका उम्मेदवारहरू सुनिल लम्साल क्षेत्र १, सुलभ खरेल क्षेत्र २, डा। लेखजंग थापा क्षेत्र ३, कन्हैया बनियाँ क्षेत्र ४ र तौफिक अहमद खाँन क्षेत्र ५ सँग भेटेर चुनावी माहोलबारे जानकारी लिने कार्यक्रम छ । साथै, समानुपातिक उम्मेदवारहरू, केन्द्रीय नेताहरू, जिल्ला समितिका पदाधिकारी तथा सदस्यहरू र स्थानीय नेताकार्यकर्ताहरूसँग पनि भेटघाट गर्नुहुनेछ।
‘घण्टी अभिवादन’ कार्यक्रमअन्तर्गत शाहले मतदाता र शुभेच्छुकहरूसँग प्रत्यक्ष भेटघाट गर्नेछन् । यो कार्यक्रम क्षेत्र नम्बर १ को धकधई, क्षेत्र नम्बर ४ को मर्चवार र क्षेत्र नम्बर ५ को लुम्बिनीमा तय भएको छ। पार्टीले आफ्ना शुभेच्छुकहरूलाई वरिष्ठ नेता सहभागी हुने स्थानहरूमा उपस्थित हुन अनुरोध गरेको छ ।
